يسقط يسقط حكم العسكر.
ايه وفيها ايه مالها .
طب يسقط يسقط حكم العسكر .
ايه مالك ليه مستغربها . هو أنت عايش فين ياعم الحاج ؟
ايه مش حاسس مش أخد بالك ؟؟
طب مش فاكر؟؟
مش فاكر كام واحد مات ودمه سال عشان مفيش مصرى كرامته تتهان تانى ؟
طب ايه مش أخد بالك أن أحنا لسه بتتهان كرامتنا ولسه باردوا بنموت؟
طب فين العيش والحراية والعدالة الاجتماعية اللى أحنا بندور عليها ؟
ليه بتدور لسه على استقرارك ومش همك حاجة تانية غيرنفسك مع ان الناس اللى ماتوا دول ماتوا عشانك ؟
ماتوا عشان انت تعيش بكرامة
لسه ناوى تستنى أربع شهور كمان ..اربع شهور موت ودم ؟
طب ماتخلى عندك دم بقى.
ولا قولك بلاش يبقى عندك دم دى صعبة عليك مانت اصلا معندكش احساس .
ماتخليك فى حالك وفى استقرارك .
وخليك قاعد فى بيتك وكباية الشاى والسندوتش فى ايدك ومستنى مبارك يتعدم .
كفاية عليك الاستقرار والاكل اللى انت مستمتع بيهم دول .
احنا بقى احلامنا اكتر من كدة .
مالكش دعوة وخليك فى حالك نعمل مظاهرة نعمل اعتصام نعمل اضراب احنا احرار ياعم .
وباردوا هقولك......يسقط يسقط حكم العسكر
ومتسالنيش وتقولى يسقط ومين يجى مكانوا .
عشان هسبلك التيت ياابن التيت .
ومتقوليش عجلة الانتاج اللى اتقلبت وبقت دولاب عمل .
اه احنا عايزين نفسى العجلة...العجلة اللى هى مش موجودة اصلا .
وبالنسبة للازهر والكنيسة وعمه المفتى ......طززززززززززززززززززز.
اه طز ......طز فى كل حد ماشى بأسم الدين فى مصلحة اى سلطة فاشلة ....سلطة بتقتل شعبها .
كنيسة كانت ايام المخلوع ابن المخلوعة بتدين له باللولاء.
وازهر كان ازهر السلطة مش ازهر الشعب .
طزفى الاخوان اللى احب افكرهم بمثل شعبى جميل اوى (اللى خدتوا القرعة تاخده ام الشعور).
طز فى كلاب الاعلام االلى مش عايزين ينضفوا ابدا .
من النهاية كدة....
احنا خلاص فجرنا ومحدش هيقدر يلمنا .
اى حد حيجى علينا هيطلع عين اهله .
اى حد حيعملنا على اننا مش بنى ادمين هتكون نهايته .
اى حد فاكر ان احنا لسه بيضحك علينا, لا خلاص انسى كان زمان وجبر.
حلمنا وهدفنا قدمنا وشيفينه وعارفينه كويس وهنوصله يعنى هنوصله.
وأحب اقول كمان
يسقط يسقط حكم العسكر
ليست هناك تعليقات:
إرسال تعليق
رايك اية