(1)
"كلنا بنغلط مافيش حد ملاك"
دى الجملة اللى بنحاول نضحك بيها على نفسنا طول الوقت كل لما نغلط او لما بنحاول اننا نخلق أعذار للناس اللى بنحبهم ونفسنا نلاقى سبب لجرحهم وغلطهم فينا .
بس ياترى فى كام واحد بيسأل ويحاول يفهم هو ليه غلط ويحاول يتعلم من غلطه؟
زمان لما كنا أطفال لما كنا بنعمل حاجه غلط كانوا بيقولوا معلش دة عيل , طب ودلوقتى ايه حجتنا.
المفروض اننا أتعلمنا بس للأسف لسه بنكرر أخطائنا.
(2)
"كلاكيت 3 مرة"
وزى كل مرة لازم تستحمل وتفرح وتتمنى الخير ياما تبقى شريرة وأنانية
دة رأى الناس
بس كام واحد منهم يقدر يستحمل يحصله اللى حصلها ولو لمرة واحدة.
بس ازاى وكل واحد ماشى يدى نصايح ويحكم على غيره مبقاش فى احساس
بس فى النهاية هى اللى غلطنا كان عندها أمل فى كل مرة ان ده ميتكررش كان لازم تتعلم ان الاحساس أنتهى من زمان.
(3)
ليه دايما بنندم على كل حاجة حلوة بعد ماتضيع من ايدينا مع ان احنا السبب فى ضيعها.
مكنش اذكياء من الاول فى التعامل معاها
كان لازم فى البداية نفهم ايه دورها فى حياتنا
بس للاسف مفهمناش الا لما راحت واكتشفنا اننا لازم نلعب دورين فى حياتنا عشان نقدر نعيش
بس كام واحد فينا بيعرف يمثل.
......
(4)
طول عمرها خايفة من المستقبل علشان عارفة انها ضعيفة وعمرها ماهتقدر تعدى اى مشكلة هتحصلها.
انهاردة وبعد سنه من مشاكل يومية حنفية مشاكل اتفتحت مرة واحدة صدمات اخدتها فى ناس كتير اقرب الناس ليها
ناس سبتها لوحدها كانت متخيلة انهم اول ناس هتقف جمبها
دلوقتى تعترف انها اقوى انسانة فى الدنيا ومش محتاجة لحد اتعلمت كتيرومشاكلها قوتها.
جميلة اوى ياشيماء
ردحذفجميـــــــــله جداا يا شيماء
ردحذفبحب اوى النوع ده من الكتابه
7lwa awy ya shimoo bs omkan akon ghamt goz2 3la el a2al
ردحذف