"Les innocentes" 2016 - France

الخوف من العار اسوء من الاغتصاب
بولندا 1945 (عن قصة حقيقية )
بيبداء الفيلم بالراهبة ماريا اللى بتقوم بتمثيلها
Agata Buzek 

وهى بتحاول تستنجد بطبيب من داخل مشفى او مقر للصليب الاحمر الفرنسى واللى بترفض مساعدة الطبيب "ماتيلد" واللى قامت بدورها
Lou de laage
اللى شوفناها قبل كدة فى دور مجنون ومختلف فى الفيلم الفرنسى
respire اللى عرض سنة 2014

بعد الحاح كبير من الراهبة ماريا على ماتيلد لانقاذ احد الراهبات فى الدير مبتقدرش ترفض وبتروح معاها بالفعل وهناك بتلاقى احد الراهبات فى حالة مخاض وان الحالة تستدعى ولادة قيصرية فورية وبتضطر ماتيلد لانها تقوم بيها بنفسها وبعد انتهاء عملية الولادة وفى خروج ماتيلد من الدير فى سرية بتلاقى راهبة اخرى حامل بتوقع على الارض وقتها بتضطرالراهبة ماريا مصارحتها بان فى اكتر من راهبة حامل ودة بسبب اكتر من اعتداء تم من الجنود الالمان والروس عليهم.
وطبعاالجبارة Agata kulesza
عاملة دور الام اللى طول الوقت همها الاكبرازاى تدارى العار اكثر من الاهتمام باى حاجة تانية


النهاية رائعة جدا كمان ومش هتكلم عنها كتير عشان محرقش الفيلم اكتر من كدة :D

الفيلم عظيم جدا ويستاهل التقيم بتاعه فعلا على
IMDB
,الاداء .الترانيم, الصورة كل حاجة بجد فظيعة
الفيلم مصنف +13 وهو فعلا مفيهوش مشاهد تنفر المشاهد ومفيش مشاهد اغتصاب
مشهد بس واحد فيه تحرش بالمساعدة ماتيلد من جنود وهى فى طريقها بليل
ومشهد اخر لدماء اثناءولادة احد الراهبات
واعتقد ان التصنيف ده مناسب جدا
ده لينك الفيلم على IMDB عشان لو حبين تشوفو التريلر او تعرفو اى معلومات

http://www.imdb.com/title/tt4370784/?ref_=rvi_tt